«Өнегелі ұрпақ тәрбиелеу-болашақтың кепілі»
Талдықорған қаласы №9 орта мектепте 2022 жылдың 14 наурыз күні сағат 18.00-де «Өнегелі ұрпақ тәрбиелеу-болашақтың кепілі» атты МЕКТЕПІШІЛІК АТА-АНАЛАР ЖИНАЛЫСЫ өтті.
Жиналыстың мақсаты мен міндеттері: жалпы мектеп, ата-ана және оқушы арасында жағымды байланыс орнатып, қауіпсіз орта қалыптастыру. Ата-аналардың құқықтық білімдерін арттыра отырып, МЕКТЕП-АТА-АНА-ОҚУШЫ байланысын бір арнаға тоғыстыру.
Ата-аналар жиналысына арнайы шақырылған қонақтар:
1. Алматы облысы прокуратурасының аға прокуроры және мектептің "Әкелер және аналар" кеңесінің төрайымы Карбозова Ардақ Телжанқызы;
2. Қамқоршылық кеңесінің төрайымы Ким Маржан Касымхановна;
3. Қамқоршылық кеңесінің мүшесі Мырзаханқызы Жанна;
4. Мектеп инспекторы, полиция капитаны Булдыбаева Залха Сериковна.
Күн тәртібінде қарастырылған сұрақтар:
*Мектеп басшымыз Сембаева Ляйля Айтжанқызы «Үштік одақ сабақтастығын нығайту» бағытында өзіндік ойымен бөлісті.
*Алматы облыстық прокуратурасының аға прокуроры Карбозова Ардақ Телжанқызы «Еліміздегі бала құқықтары туралы заңы» атты тақырыпта сөз қозғады.
*«Жасөспірімдер арасындағы құқықбұзушылықтың алдын алу» тақырыбында мектеп инспекторы Булдыбаева Залха Сериковна баяндамасын жеткізді.
Жиналыс соңында ата-аналар сұрақтар қойып, кері байланыс берді.